【明報專訊】新民黨主席葉劉淑儀前日又去離島落區，今次去到大嶼山梅窩窩田村，話今次係應村長鄧家洪邀請，去視察銀礦洞旁「長命斜」，話呢度多年來都無辦法解決居民要行大斜路返屋企嘅問題。村民同葉太講，村落人口大約數十，但常住人數其實甚少。可持續大嶼辦事處嘅工程師都有陪葉太考察，但就話長命斜陡峭兼斜度頗高，亦涉及數段私家路，假如政府要喺度做工程，可能牽涉收地，加上工程費用，隨時高達1億至2億元。葉太聽到呢個數都感吃驚，明白要做工程殊不容易。