【明報專訊】仲有3星期就到農曆新年，好多人已準備大掃除，工聯會理事長黃國（圖左）噚日去搵家居服務從業員協會會員工友，仲著住圍裙、帶埋膠手套，去到一個屋企落手清潔，佢話間屋雖然無陳年漬，但好似吸塵、抹地、抹窗呢啲看似手板眼見工夫嘅工作，原來殊不簡單，清潔一間屋既要講體力亦要講技術，「專業的事都是交由專業處理」。