【明報專訊】「猜猜我是誰」騙案日增，觀塘區議會主席民建聯柯創盛（柯仔）噚日出席秀茂坪警區「全民反詐騙宣傳日」，提到媽媽都差啲成為受害人。柯仔話媽媽之前收到來電，對方謊稱佢個仔唱K之後被捕，要求5萬元保釋金，但柯媽媽諗起自己個仔五音不全，都唔唱K嘅，一下就識破對方係騙徒，仲識打返畀柯仔核實添。