【明報專訊】陳國基上星期五（4日）去元朗出席民政及青年事務局舉辦嘅青年見面會，同大約40個高中生就「青年發展藍圖」交流。佢噚日喺facebook分享，話會後收到與會青年送上兩份「禮物」，其中有個中學生將當時佢同一眾中學生嘅合照畫成圖畫（圖）。陳國基話對呢個同學嘅心思、心機感到驚喜，已經將圖畫放喺辦公室，時刻提醒自己，青年係香港嘅瑰寶。