【明報專訊】冬季流感高峰期將至，衛生署外展隊噚日到立法會為一眾議員接種流感疫苗，其中立法會主席梁君彥更「雙針齊下」，「左一針、右一針」同時打第四劑新冠疫苗同流感疫苗，仲話「疫苗係一流，打咗唔使愁」。公務員事務局長楊何蓓茵、醫務衛生局正副局長盧寵茂同李夏茵亦有到場，呼籲市民打呢兩款疫苗。多名議員及官員仲將印有針筒嘅道具牌「拮」其他議員，擺甫士影相。