【明報專訊】特首李家超前日公布任內首份《施政報告》，做過電視台記者嘅立法會議員陳凱欣（小圖），噚日喺答問大會問李家超會點樣完善公營牙科服務，令小朋友同老人家都有健康牙齒，「令佢哋獲得幸福感之餘，亦畀你見到佢哋露齒嘅笑容」。李家超回答前一路笑住咁話，每次如果見到陳凱欣嘅笑容都會好欣賞，「因為有好健康嘅牙齒」。