【明報專訊】廉署噚日喺facebook專頁上載宣傳短片，片中有人扮演騙徒，合謀假扮與內地公安、省檢合作，叫「水魚」存錢入廉署人員戶口，作為調查費同保證金；又聲稱市民嘅個人資料被盜、牽涉洗黑錢，要求市民開新戶口存錢，調查清楚後就會還錢，仲話相信「廉署聲譽咁好，佢哋一定信」。片中騙徒仲出埋鏡以影片博取事主相信佢哋係廉署人員，點知廉政專員胡英明就粉墨登場，指斥吸血騙徒已呃咗唔少市民嘅血汗錢，仲離譜到大膽出鏡呃人。