【明報專訊】香港政府每年都會喺重陽節舉行儀式，悼念二戰時為港捐驅嘅人士。特首李家超噚日朝早聯同多名官員，出席喺大會堂紀念花園舉行嘅「為保衛香港而捐軀人士」紀念儀式，前特首林鄭月娥同曾蔭權都有出席，眾人先默哀兩分鐘，警察儀仗隊鳴槍後，由李家超獻上花圈。有份出席嘅立法會議員陳紹雄話儀式係希望後人毋忘歷史，珍惜生命同和平。