【明報專訊】香港有防疫限制，明年嘅世界龍舟錦標賽都移師泰國，香港划龍舟只能「內循環」。噚日喺柴灣避風塘就有本地龍舟賽，民建聯立法會議員梁熙（右二戴墨鏡者）「首次下海」。梁熙話，呢項「東區龍舟競渡大賽」有成60年歷史，但因新冠疫情，2019年後停辦，地區團體一直爭取復辦，幾個月前團體同政府各部門一直商討，但政府一直無答，直至一個多星期前先話批准搞；雖然趕，但都辦得成，不過有啲隊伍及健兒就趕唔切參加，而活動只限參加者參與，仍然係無觀眾。