【明報專訊】新冠疫情下，13間私家醫院幫忙接收公立醫院嘅病人，醫衛局長盧寵茂之前就多次質疑私院收症數目唔多理想，其後經醫管局跟私院周旋，轉介率提升咗。養和醫院院長李維達噚日喺「養和百年歷史展」開幕禮致辭，就盛讚主禮嘉賓盧寵茂係協調各方抗疫嘅「好指揮官」，又話佢之前作為大學教授，多年嚟緊密與大學合作，亦非常熟悉公營醫療系統同私家醫院運作，形容佢作為抗疫領導，識得「所有地方」嘅事。