【明報專訊】第五波新冠疫情反彈後，每日都有幾千甚至成萬宗陽性個案，近日都有唔少高官、公營機構高層中招。醫管局噚日公布，行政總裁高拔陞（圖）新冠病毒快速測試呈陽性，按衛生防護中心指引隔離。醫管局話，高醫生最近無外遊紀錄，對上一次返工係前日（12日），做嘢嘅時候有戴口罩同遵守感染控制措施，局方會徹底消毒相關辦公室。