【明報專訊】噚日係行政會議召集人、新民黨主席葉劉淑儀72歲生日，葉太話身在海外嘅女兒因公務繁忙而返唔到香港，不過早已打電話送上祝福，十分窩心。近日四出落區嘅葉太噚日都畀自己放「生日假」，但都返咗新民黨總部，出席同事安排嘅小型聚會，葉太喺facebook上載聚會相片，見佢收到唔少禮物，有花、蛋糕同靚酒，其中葉太「好友」、財經專欄作家渾水好有心思，送咗個戴住口罩嘅人像蠟燭畀葉太，葉太大讚禮物別出心裁，收到後「頗為驚喜，也感到很浪漫」，佢又感謝各方嘅生日祝福。