【明報專訊】山頂纜車上年年中開始做升級工程，山頂纜車有限公司噚日宣布纜車會喺下周六（27日）重開，仲換上第六代纜車，而擴建咗嘅中環總站室內候車區可容納1300人。票價方面，成人單程票62蚊，比升級前37蚊貴咗67.5%；不過開幕日至10月30日都有「感謝香港通行證」，其間成人單程票收47蚊。𠵱家到開幕日前一日都有「快閃網上優惠」，成人單程票35蚊。