【明報專訊】立法會噚日舉行第二次「前廳交流會」，政務司長陳國基帶領部分問責官員一齊出席同議員交流，Emily留意到各司局長嘅政治助理有任務在身，每人要負責一枱，抄低議員嘅意見。文化體育及旅遊局長楊潤雄喺facebook上載交流會嘅相，見到其政助招文亮嘅筆記簿寫得密密麻麻。招文亮同Emily講，將議員同局長嘅對話記錄低，係為咗整理好內容，之後跟進。