【明報專訊】特首李家超和文化體育及旅遊局長楊潤雄噚日到體育學院參觀，除咗為運動員打氣，亦了解佢哋對香港體育發展嘅意見，做《施政報告》諮詢工作。李家超仲落場同港隊乒乓球「一哥」黃鎮廷對打，之後將片段上載社交媒體，叫市民「估吓『猜』到幾多板」。李家超曾自稱練咗氣功25年，噚日就同武術運動員楊子瑩交流武術心得。佢又形容今年以IB 45分狀元成績考入科大嘅乒乓球運動員吳詠琳，代表咗年輕運動員嘅活力與衝勁。