【明報專訊】民主黨多名前議員捲入「35+初選案」，其中胡志偉、尹兆堅同林卓廷三子被還押已超過一年半，近期其團隊喺旺角一個市集寄賣月餅、手打麵同辣椒醬，收益用作支持獄中3人。灣仔區議會前主席楊雪盈前日都有到場幫襯支持，佢話阿媽指定要月餅、辣椒醬同麵，而佢自己就鍾意一款蜂蜜酒。根據3人嘅facebook，佢哋嘅攤檔仲接受消費券付款。