【明報專訊】2019年反修例示威期間每日負責警方記者會、其後調任保安局首席助理秘書長嘅謝振中，喺新政府上場後調咗去特首辦幫忙做媒體宣傳工作，而新政府上場逾一個月，謝sir終於有個「名分」，職位係行政長官辦公室傳訊秘書，職級係首長級第二級（D2）。據Emily所知，謝sir仍然保持警員身分，以借調形式去特首辦工作，至於今次借調幾耐、借咗有無得回頭，就睇吓特首李家超想點樣安排。