【明報專訊】「香港新方向」新界北立法會議員張欣宇（Gary）育有3子女，7歲大仔上周確診新冠病毒，佢陪阿仔入住竹篙灣隔離，噚日係第四日。Gary同Emily講，大仔打咗兩針疫苗，所以康復進展快，但1歲半細仔前日不幸確診，Gary話好擔心，因為新冠病毒對幼兒徵狀嚴重得多，太太帶住高燒嘅細仔往返醫院，徹夜未眠，而佢卻無能為力。不過，喺佢同大仔入住隔離營後，家中有足夠房間畀太太單獨貼身照顧細仔，而女兒就由工人姐姐照顧。