【明報專訊】張敬軒（軒仔）與李司棋（司棋姐）看似「大纜都扯唔埋」，其實兩人不時在社交網留言互動。最近他們獲邀擔任藥膏代言人，首次見面即雞啄唔斷，拍攝時更表現出默契，進度相當順利。原來司棋姐只是扮鎮定，她說：「我好緊張，前一晚瞓唔着，幾十歲人都未試過，因為無見過軒仔真人，我好鍾意他對眼，一望到就忘記對白。我鍾意他好耐，他的樣子好似我細個睇公仔書入面的白馬王子。」