【明報專訊】《港區國安法》有域外效力，搞到聯合國人權事務委員會一班外國專家都緊張，連續三日會期審議香港人權狀况期間，幾乎日日都問港府，到底向聯合國提供意見嘅非政府組織（NGO），會唔會違反國安法呢？專家唔滿意港府之前答覆，噚日再問港府官員，其實聯合國人權事務委員會等機構，算唔算《社團條例》下定義「外國政治組織」，導致非政府組織同「外國政治組織」往來會變成犯法？