【明報專訊】北角「油街實現」前身為香港皇家遊艇會會所，於1908年落成啟用，2013年改名，作為藝術空間開放畀公眾。前創新辦副總監、醫務衛生局副秘書長（特別職務）馮浩賢喺facebook寫「油街實現二三事」，原來當年佢有份諗方法活化呢個歷史建築，近日有設計界朋友喺油街實現策展項目，搵佢借與文化和城市發展有關嘅書作分享之用，佢特別搵咗一啲年代較早、具特色嘅官方刊物畀對方。