【明報專訊】新任特首李家超噚日提出每個月由司局長到立法會舉行「前廳交流會」，會議廳前廳其實係議員專區，只有政府官員同議員可以入去，到底立法會前廳係點樣嘅呢？立法會主席梁君彥噚日上載一段介紹前廳嘅影片，原來佢去年邀請咗香港知專設計學院嘅學生，協助秘書處「活化」前廳，改過室內設計同佈局，劃分成多個區間。Emily覺得最有趣係加咗兩個隔音電話亭，畀議員入去講重要電話，唔怕被騷擾，電話亭唔大，入面有張細枱同插蘇，議員要自備電話。