【明報專訊】坪石邨藍石樓同金石樓早前有人喺大廈天井圍欄掛滿國旗及區旗，成個天井一片紅色旗海，不過周日（26日）發生旗幟疑遭塗污同盜走事件，警方調查後列侮辱國旗及盜竊案處理，邨內旗海亦同晚全部消失。有街坊話，見到多名中年男女喺各樓層走廊收起國旗同區旗，噚日仲有市民想去打卡但撲空。Emily嘗試搵組織掛旗嘅九龍東潮人聯會，但未能聯絡上。