【明報專訊】教聯會副主席鄧飛同朱國強上年雙雙晉身立法會，一個喺選委會界別，一個喺教育界。佢哋先後於金鐘、旺角、青衣、黃大仙同將軍澳開設地區辦事處，服務市民和教育同工，噚日一齊搞辦事處開幕禮，並請嚟教育局長楊潤雄、立法會前主席曾鈺成做主禮嘉賓。有傳李家超競選辦副主任鄧飛係教育局長人選，鄧飛回應話自己資歷未夠，再次否認。佢認為，局長適合從政資歷資深人士，而佢現時想繼續學習議會工作，形容有更深入嘅發展機會「可能有啲冒險」。