【明報專訊】香港外國記者會（FCC）早前停辦人權新聞獎，主席瑞凱德（Keith Richburg）做法引起爭議。Keith喺民主黨劉慧卿嘅網台節目話，如有會員唔鍾意佢嘅處理方法，可以出嚟選主席，又吐苦水話其實駐港嘅各大外國傳媒怕得罪內地，唔肯派人做FCC主席、副主席，搞到要四出請人先湊夠董事，形容自己係冒住風險留任主席。佢又反擊先前辭職抗議嘅新聞自由小組成員，話佢哋唔似FCC董事會要承擔風險，反問：「如果要坐監，仲會唔會繼續頒獎？」