【明報專訊】因為民主派「35+初選案」還押中嘅劉頴匡，一直對文字、歌詞好有興趣，阿匡最近喺收押所改編林家謙唱嘅《某種老朋友》歌詞，歌名改為《記得要忘記》，內容係講愛情，Emily知道由林夕填詞嘅《某種老朋友》好多人都話好有詩意，睇嚟要重新填詞真係好唔容易，有網民留言話阿匡好厲害，原曲嘅音符超密，好難填詞，仲要憑記憶記住旋律嚟填呢。