【明報專訊】2018年元旦夜，迪士尼樂園睡公主城堡上演完最後一次煙花匯演後，迪士尼一直都冇煙花睇，不過煙花匯演好快返嚟喇。迪士尼噚日公布，全新夜間匯演 《迪士尼星夢光影之旅》，6月中就會喺「奇妙夢想城堡」登場，迪士尼首次用大型立體光雕投影技術，「城堡」上面會有燈光、激光、噴泉、火焰同煙花效果，仲會出現巨型水幕，呢個夜間匯演製作超過5年。頭兩個月，每個禮拜演出4至5場，時間係夜晚7點半或8點半。