【明報專訊】上周後期天氣幾好，新民黨主席葉劉淑儀上周六喺facebook出帖，話趁住天朗氣清去西貢遊覽，仲發現到一間小店「不得了」嘅豉油王煎腸粉，「真的好吃到不得了」，轉眼間就被佢食咗一半。葉太仲喺fb上載嗰碟煎腸粉同餐廳名嘅相。有網民留言話「呢間嘢執得」，有人形容係「死亡之吻」，引來葉太黨友黎棟國留言，叫網民「唔好咁黑心」。