【明報專訊】前排網上流傳短片，兩名軍裝警員喺公園擺姿勢影相，一度被網民誤會佢哋執勤時「打卡」，事後警方澄清係因為警員處理高危失蹤者案件時表現專業，獲市民讚揚，所以邀請佢哋重返現場影相，以便刊登。最新一期《警聲》刊登咗兩名阿sir喺荷李活道公園嘅相片（圖），仲講番尋回73歲患有認知障礙症伯伯嘅經過。