【明報專訊】關注囚權嘅社福界前立法會議員邵家臻，噚日去探還押嘅前議員范國威（Gary）。阿臻形容自己係一支流通嘅管，好多信息同心事藉佢流出流入，又話其中最難講嘅係幫牆內手足向牆外愛人講「我愛你，萬事小心，不要等我」，及幫剛剛離開香港嘅人向仍喺監倉嘅人講對不起。佢噚日見到Gary就幫人轉達「唔好意思，離開咗香港」消息，阿臻引述Gary話，最緊要人冇事，離開嘅人完全唔需要感到虧欠，各人有各人難處，對於所有離開嘅人，只有祝福，沒有咒詛。