【明報專訊】東鐵線過海段噚日通車，唔少議員都有試坐由紅磡到會展過海段，例如民建聯多名議員、實政圓桌田北辰等，唔少人表現雀躍。好似前一排無出席立法會會議嘅專業動力林素蔚（新界東南），就同議員梁文廣（九龍西）及楊永杰（九龍中），同多個社區幹事一齊試坐，去到會展站，見到扶手電梯口平時嘅鐵柱改咗用硬膠，林素蔚同楊永杰都拉吓條膠柱，林素蔚讚新設計考慮到殘疾人士同小朋友需要，仲話「幾有彈力」。