【明報專訊】民政事務局前局長徐英偉（圖）因為洪門宴風波而辭職，facebook專頁都刪埋，其個人fb帳戶自1月以嚟都無出帖，噚日佢終於出post，上載咗張球場相，並話「終於有機會攞返件新嘅教練衫」，並加上欖球圖案。徐英偉有欖球教練資格，都有教開波，仲曾經係「油尖旺青年網絡計劃」欖球訓練班客席教練，平時都有同仔仔一齊打波。