【明報專訊】前政務司長李家超以藍色為競選工程嘅主色調，無論係佢嘅facebook專頁、網上交流會嘅背景，都係藍色背景配白色嘅維港天際線，競選口號「同為香港開新篇」都用藍色。Emily睇番李家超向選舉事務處遞交嘅選舉廣告，截至噚晚有逾百款，好多都以呢個設計為主，實體宣傳品暫時就比較少，只有佢上周六宣布參選時所用嘅講台，仲有佢出席網上活動時背後嘅藍色主題布景板，其中兩幅布景由「Cheung Ka Lai」製作，報稱地址喺北角聯合出版大廈一單位，同民建聯總部位處同一大廈，但唔同單位。