【明報專訊】噚日喺4.1愚人節，唔少人都喺社交媒體放「流料」自娛。民建聯立法會議員梁熙去年選舉時，話要爭取興建西灣河地鐵站，成為一時佳話，事後解釋口快講錯，其實係想話爭取建小西灣地鐵站。佢噚日重提舊事，喺facebook出post話「成功爭取小西灣站」，話「小西灣站」噚日通車，現時屬試行階段，期間限定4月1日運行；仲自嘲話好高興西灣河站啟用37年後，終於有小西灣站。