【明報專訊】新冠疫情持續兩年幾，每日有唔少疫情相關報道同資訊，香港人都未必消化到，外國人又點算？最近彭博（Bloomberg）訪問咗來自澳洲嘅Aaron Busch，喺香港住咗8年嘅佢，於2020年1月開始蒐集疫情資料，包括內地嘅確診數字等，之後慢慢喺Twitter分享，仲愈嚟愈多人睇。佢受訪時話，「無理由係我負責英文嘅疫情新聞」，提到最初爆發疫情時好似無乜英文資訊，有亦未必會即時發放。