【明報專訊】特首選舉提名期下月3日開始，陸續有唔同界別嘅人宣布參選，包括曾任保安員同教師嘅賴紅梅，及民建聯成員胡世全。噚日兩人分別開記者會講政綱，賴紅梅唔知係咪想展示自己都「好打得」，舞劍造勢，並自稱習武多年。至於胡世全，其政綱建議推年輕人首置計劃，容許做到九成八按揭，舉例單位售價200萬元，只需畀4萬蚊首期。