【明報專訊】第94屆奧斯卡頒獎禮本港時間噚日舉行，《王者世家》出爐影帝韋史密夫（Will Smith）因不忿妻子被嘲，走上台掌摑頒獎嘉賓基斯洛克（Chris Rock）成為全球熱話，本港唔少政界中人都有留意。民建聯立法會議員張國鈞喺facebook評論呢一幕，認為唔應該用人哋家人患病嚟開玩笑，並指暴力絕非解決問題嘅方法，應互相尊重。立法會前議員莫乃光就形容，韋史密夫「護妻心切」打人後，流淚領獎並且「道歉」，定必成為奧斯卡頒獎禮嘅歷史一幕。