【明報專訊】特首林鄭月娥日前宣布本周內開始向全港住戶派發「防疫服務包」，前日facebook專頁「公務員secrets」流傳一條相信係公務員執「物資包」嘅片段，只見5人一字排開，前方長枱擺齊物資，首先第一人撐開個膠袋，即時橫傳畀身邊隊友裝入估計係快速測試套裝嘅4個盒子，再交畀第三棒放入兩盒連花清瘟膠囊，第四棒就放入兩包白色口罩；守尾門嘅隊友就有三項任務，首先放入抗疫資訊小冊子，然後將膠袋打結，最後放入旁邊嘅紙箱內，大功告成，總共耗時約30秒。