【明報專訊】俄羅斯入侵烏克蘭事件引起唔少人關注，涉民主派初選案、𠵱家獲保釋嘅黃碧雲，前日食飯慶祝生日，許下生日願望，「願戰爭早日結束、人人平安自由」。黃碧雲賦閒在家，愛上逛公園賞花，不時喺社交媒體上載各處花卉靚相，佢前日慶祝生日，話午飯後去西九文化區逛，有黃花風鈴木睇，不過開到近水尾，另有蘭花同茶花盛放。佢又感謝友人為佢送上生日祝福。