【明報專訊】立法會保險界議員陳健波噚日喺facebook形容，𠵱家係香港最艱難嘅時間，大家都抗疫疲勞、覺得好辛苦，但佢話相信希望在明天。波哥晨運時見到有人用木棉花砌出「I love you」，佢就將木棉花砌成「I love HK」，話木棉樹又稱英雄樹，花落亦唔褪色，就好似香港人一樣咁堅毅；而木棉花嘅花語係珍惜，疫情為大家生活帶嚟不便，但同時提醒大家要珍惜眼前人同幸福嘅日子。波哥又向各堅守陣地嘅香港醫護、抗疫人員同義工致敬，並感謝國家嘅支援。