【明報專訊】國務院港澳辦主任夏寶龍前日主持支援香港抗疫工作第九次協調會，講到香港要發揮中醫藥嘅作用，一直提倡政府以中醫藥治療新冠病毒病嘅民建聯，噚日召開記者會提出9項建議，其中進出口界黃英豪話，𠵱家嘅政府專家顧問團全部係西醫專家，應加入有抗疫經驗嘅內地中醫藥專家，一齊制定抗疫策略等，仲應該加入埋醫管局，聯同本地中醫師參與治療新冠患者，而唔單止係同香港專家喺會議枱上對坐交流。