【明報專訊】廣東惠州市惠東縣海域噚日凌晨發生4.1級地震，天文台話震央位於香港東北偏東約92公里。唔少政界人士都畀地震嚇親，亦有人質疑上星期首次使用、耗費1.5億元建立嘅「緊急警示系統」喺地震時無警示，例如沙田前區議員黃文萱就喺fb上載圖片，話緊急警示無響到，質疑唔知係伊利沙伯醫院做定點醫院緊急啲，定係地震緊急啲。曾建議政府利用系統發布信息嘅資訊科技商會榮譽會長方保僑認為，地震不能預測，事後應否發布警示要視乎嚴重程度。