【明報文章】香港確診一天突破5萬，死亡人數也快速增加，在禁足強檢的陰霾下，出現囤糧搶購潮。政府重申又重申，鮮活食品供應充足，加上有祖國的強大後盾，猛叫大家唔使驚，怎料官員愈叫，市民愈驚。官員其實真唔知定假唔知，市民不是擔心冇貨賣，而是驚唔畀出街買唔到糧。官員又支支吾吾，遲遲不去澄清什麼是大禁足小禁足，搞到謠言滿天，人人惶惶不可終日。