【明報專訊】原定今個月8號舉行、頭獎基金估計高達1.05億元嘅六合彩攪珠順延到今晚（20日）舉行，而賽馬會噚日宣布，因應疫情最新情况及避免人群聚集可能造成公共衛生風險，決定由今日起減少六合彩次數，只安排六合彩每逢星期四攪珠一次，直至另行通知，但2月3日大年初三賀歲馬當日除外；同時預告2月5日大年初五晚上舉行新春金多寶攪珠，不過當日係星期六，市民要睇清楚日子，以免錯過發新年橫財機會。