【明報專訊】now新聞台噚日舉行立法會新界西南選舉論壇，非建制派荃灣區議員劉卓裕、民建聯陳恒鑌同工聯會陳穎欣3個候選人互相送「禮」，陳恒鑌（圖）送「五青汁」畀卓卓，因覺得佢「中咗五毒」，大數卓卓「搣甩唔到港獨」、「政治立場裏外不是人好孤獨」、「面對質詢唔回應，內心好苦獨」、「被同路人咒罵，中咗唔少惡毒」等，話要送杯五青汁畀佢排毒。卓卓即時疊聲反駁：「最惡毒係民建聯呢啲，真係好無恥！」