【明報專訊】立法會選舉法律界候選人林新強、陳曉鋒噚日出席港台論壇，早前喺另一論壇上，林新強笑言自己想做政協，陳曉鋒噚日追問原因，仲話對方曾明言做人大代表比做律師會會長更有用。林新強先回應話，做政協可以為港人喺內地發聲，又否認講過上述人代嘅說法。林新強2017年參加人代選舉失敗，至今亦非政協，陳曉鋒最後話「作為後輩，我都真心祝福林律師可以早日實現做人大、政協嘅夢想」。