【明報專訊】近期唔少立法會選舉論壇都因為建制派互片而擦出火花，好似噚日now新聞台嘅九龍東直選論壇，無申報政治聯繫、獲現屆九東立法會議員謝偉俊支持嘅中醫師李嘉欣，喺送禮環節就送針對骨質疏鬆嘅「補腎壯筋湯」畀民建聯顏汶羽，話民建聯咁多年嚟「奉旨跪低」，更會拋棄原有立場、臨時轉軚甚至唔敢出聲，希望食藥後有足夠力量出嚟發聲。顏汶羽就回應話希望對方唔好混淆視聽、抹黑民建聯，火藥味都幾濃。