【明報專訊】無綫電視《東張西望》早前播出大埔富亨邨「曱甴屋」故事，女主持黃穎君勇闖曱甴屋令人印象深刻，原來佢已離開TVB，前日（7日）已「轉跑道」去咗民政事務局做媒體主任，份工屬合約制。黃穎君同Emily講，離開做咗9年嘅演藝界，但唔會話可惜，因為人生唔同階段要有唔同發展，就好似入曱甴屋咁，佢話「應該要在仍有魄力時，多作嘗試，接受新挑戰」。