【明報專訊】政府高層職位有人事變動，政府新聞處長鄭偉源（Rex）做埋今個星期就離任，佢喺呢個職位做咗兩年3個月。鄭偉源同Emily講，佢「無畀人炒」，又話唔係退休或離開政府，自己身體一直有啲毛病，離開呢個職位，待身體復元後重返政府其他崗位工作。睇番新聞處長呢個職位，特首林鄭月娥上任4年多，先後有3名新聞處長調走，Rex之前分別有黃智祖及朱曼鈴。