【明報專訊】已離港嘅民主黨立法會前議員許智峯，噚日喺社交媒體上載婚禮舊相片，原來噚日係佢結婚紀念日，但佢話一睇相中人，為佢證婚嘅民主黨何俊仁，現已身陷獄中。阿峯慨嘆，由證婚律師到出席婚禮嘅黨友、社運朋友，當中唔係在囚就係四散各地，形容心情實在難以形容。佢話自己仍感恩，有家人在身邊，「我仍珍惜，有借來的自由；我仍堅持，要為香港繼續走下去」。